 |
| मकर संक्रांतीनिमित्त नवशक्ती सार्वजनिक दुर्गा उत्सव मंडळ व मॅजिक बस इंडिया फाऊंडेशनतर्फे महिलांसाठी विविध स्पर्धांचे आयोजन |
तळोधी, 16 जानेवारी 2025 – मकर संक्रांतीनिमित्त नवशक्ती सार्वजनिक दुर्गा उत्सव मंडळ तळोधी व मॅजिक बस इंडिया फाऊंडेशन यांच्या संयुक्त विद्यमाने महिलांसाठी विविध स्पर्धांचे आयोजन करण्यात आले. या कार्यक्रमाचे मुख्य उद्दिष्ट महिलांमध्ये स्वच्छता, पोषण आहार आणि तंदुरुस्ती यांचे महत्त्व पटवून देणे हे होते.
कार्यक्रमाची सुरुवात महिलांना स्वच्छता आणि आरोग्यविषयक माहिती देऊन करण्यात आली. यामध्ये पोषणयुक्त आहाराचे फायदे, तंदुरुस्ती राखण्याचे महत्त्व, तसेच रोजच्या जीवनात स्वच्छतेचे पालन कसे करावे याबद्दल मार्गदर्शन करण्यात आले.
यानंतर महिलांसाठी मनोरंजनात्मक आणि उत्साहवर्धक स्पर्धांचे आयोजन करण्यात आले. पोटाटो रेस, चमचा गोळी यांसारख्या स्पर्धांमध्ये महिलांनी हिरीरीने सहभाग घेतला. या स्पर्धांनी परिसरात एक उत्साही वातावरण निर्माण केले.
कार्यक्रमाच्या शेवटी स्पर्धेतील विजेत्या महिलांचा ग्राम पंचायत तळोधीच्या वतीने सन्मान करण्यात आला आणि बक्षीसांचे वितरण करण्यात आले. या उपक्रमामुळे महिलांना त्यांच्या आरोग्याबाबत जागरूकता मिळाली तसेच एकत्रितरित्या आनंद साजरा करण्याची संधी मिळाली.
कार्यक्रमाच्या यशस्वी आयोजनाबद्दल नवशक्ती सार्वजनिक दुर्गा उत्सव मंडळ व मॅजिक बस इंडिया फाऊंडेशन यांचे उपस्थित महिलांनी आभार मानले. या कार्यक्रमात ग्रा.प.सदस्य तृप्ती चिंळगे , अंगणवाडी सेविका वर्षा गांगरेड्डीवार,सरोज नागदेवे मंडळाच्या अध्यक्ष गंगा वरवडे तसेच गावातील इतर मान्यवर उपस्थित होते कार्यक्रम मॅजिक बस चे वरिष्ठ जिल्हा कार्यक्रम अधिकारी प्रशांत लोखंडे यांच्या मार्गदर्शनाखाली तर तालुका समन्वयक दिनेश कामतवार युवा मार्गदर्शक पंकज शंभरकर, अश्विनी उराडे, सोनाली रणदिवे यांच्या सहकार्याने पार पडला.
0 Comments